Patakaran sa pagkapribado

Kasama ng aming Mga Tuntunin ng Serbisyo at Patakaran sa Cookie, pinapaliwanag ng patakarang ito kung paano namin kinokolekta at pinamamahalaan ang impormasyon mo sa mga website, mobile apps at ibang serbisyo namin. Susuriin namin ang patakarang ito paminsan-minsan upang tiyaking napapanahon ito. Kung gagawa kami ng mga pagbabago, ipo-post namin ang pinakabagong bersyon dito. Kapag gagawa kami ng malalaking pagbabago, ipapaalam namin ito sa iyo sa susunod na i-access mo ang aming mga serbisyo, o sa pamamagitan ng iba pang komunikasyon.

Matuto pa tungkol sa patakarang ito

Mababasa mo nang maraming beses ang terminong 'personal na data' sa patakarang ito. Ang ibig naming sabihin doon ay anumang impormasyong nauugnay sa iyo bilang isang natutukoy na indibidwal. Halimbawa, kabilang dito ang impormasyong maaaring direktang tumutukoy sa iyo tulad ng iyong pangalan, mga detalye sa pakikipag-ugnayan, itineraryo ng biyahe, internet protocol ("IP") address, mga cookie string, o mga device ID, pati ang anumang impormasyong maaaring hindi direktang tumutukoy sa iyo, ngunit iniimbak namin kasama ng mga naturang pantukoy, gaya kung paano mo ginagamit ang aming mga serbisyo o ang bansa kung saan mo ginagamit ang mga ito.

Makakapagsalita lang kami para sa aming mga sarili kaya hindi nasasaklawan ng patakarang ito ang pangongolekta o paggamit sa iyong impormasyon ng alinman sa mga airline, online travel agent, hotel, kompanya sa pag-arkila ng kotse, o iba pang travel company (tawagin natin ang mga ito na "Mga Travel Supplier”) na itinatampok namin. Ibig sabihin, kapag nag-book ka sa isang Travel Supplier, ipoproseso nila ang iyong impormasyon alinsunod sa sarili nilang patakaran sa pagkapribado at mga tuntunin at kundisyon. Ngunit huwag mag-alala, palagi naming ibibigay sa iyo ang mga link upang mabasa mo ang mga iyon bago mag-book.

Gagamitin lang namin ang iyong impormasyon kapag binigyan mo kami ng pahintulot, kapag kinakailangan ito upang ihatid ang mga serbisyong hiniling mo, kapag kinakailangan ito upang magsagawa o sumunod sa mga legal na karapatan o obligasyon, o para sa uri ng mga normal na layunin ng negosyo na nakasaad sa patakarang ito.

Matuto pa tungkol sa kung bakit at paano namin ginagamit ang iyong personal na data

Kailangan namin itong gawin upang maihatid ang mga serbisyo namin o mapangasiwaan ang pagtupad sa isang kontratang pinasok - o pinapasukan - mo, gaya ng pag-book sa amin o sa isang Travel Supplier.

Paano namin ginagamit ang personal na data para gawin ang mga kontrata.

• Pagtiyak na naa-access at nagagamit mo ang mga serbisyo namin sa iyong partikular na device, halimbawa, sa pamamagitan ng pagbago sa paraan kung paano kami nagpapakita ng impormasyon sa iyo batay sa uri ng device mo;
• Pagbuo ng mga resulta bilang tugon sa iyong mga query sa paghahanap, halimbawa, pagbibigay sa iyo ng listahan ng mga opsyon sa flight, hotel, o pag-arkila ng kotse na pinakanakakatugon sa iyong mga kinakailangan;
• Kapag pipili ka ng Travel Supplier kung saan mo gustong mag-book:
• • pag-redirect sa iyo sa kanilang platform kasama ang anumang data na kailangan upang mabigyang-daan silang makilala ka at ang opsyon sa pagbiyahe na napili mo sa Skyscanner, kabilang ang data tungkol sa iyong browser o device at ang mga detalye ng iyong paghahanap ng biyahe; o
  • pangangasiwa sa pagkumpleto sa pag-book na iyon sa mga serbisyo namin, kung saan namin kokolektahin at ililipat sa Travel Supplier na iyon ang lahat ng impormasyong kinakailangan para maproseso ang pag-book, kabilang ang iyong mga detalye sa pakikipag-ugnayan, impormasyon ng passport o pagkakakilanlan, at mga detalye ng pagbabayad;
• Pakikipag-ugnayan sa iyo sa pamamagitan ng mga mensahe, notification, o alerto na kinakailangan upang maihatid ang hinihiling na mga serbisyo namin, gaya ng mga email ng kumpirmasyon ng pag-book o iba pang mahalagang komunikasyon gaya ng mga alerto ng status ng flight at mga notification tungkol sa mga pagbabago o update sa mga serbisyo namin o sa patakarang ito, sa aming Patakaran sa Cookie o aming Mga Tuntunin ng Serbisyo;
• Pagtugon sa mga komunikasyong ipinadala mo sa amin, gaya ng mga ipinadala sa pamamagitan ng aming help center ng serbisyo sa customer o sa social media; at;
• Pagpapakita ng mga review, imahe at anumang ibang content at media na isusumite mo sa Skyscanner o ia-upload sa Mga Serbisyo ng Skyscanner (tatawagin natin itong "Content ng User"), at bibigyan ka ng mga kasangkapan para pamahalaan at tanggalin ang content na ito; at
• Kapag gumawa ka ng account sa amin, pagpapanatili at pangangasiwa nito at pagtiyak na mapapanatili itong napapanahon at naa-access.

Upang pahusayin o i-optimize ang aming mga serbisyo at upang protektahan o isulong ang aming mga lehitimong interes. Kabilang dito ang mga seryosong dahilan gaya ng pagpigil sa panloloko at seguridad ngunit kasama rin ang mga nakakatuwang dahilan gaya ng pagpapaganda sa produkto upang patuloy naming mapahusay pa ang Skyscanner para sa aming mga biyahero.

Ang aming mga lehitimong interes.

• Mga layunin ng seguridad at pagpigil sa panloloko, halimbawa, sa pamamagitan ng pag-iimbak ng subset ng impormasyon ng iyong pagbabayad gaya ng huling 4 na digit ng iyong credit card at IP address upang itala kung saan maaaring nagmula ang isang pagbabayad, o upang protektahan ang mga serbisyo namin laban sa maling paggamit sa aming mga API o mula sa mga automated na software agent. Para sa mga layuning iyon, maaari kaming gumawa ng mga automated na pagpasya tungkol sa iyo na maaaring magresulta sa pag-block namin o ng Travel Supplier kung saan ka nagbu-book ng pagbili;
• Pagtukoy at pagwawasto sa mga problema sa mga serbisyo namin o mga bahaging dapat pahusayin sa pamamagitan ng paggamit ng impormasyon gaya ng uri ng browser, operating system, impormasyon ng locale at wika, at pangkalahatang aktibidad sa site kasama ang anumang partikular na feedback na maaari mong ibigay sa amin paminsan-minsan;
• Pagbibigay ng serbisyo sa customer o serbisyo ng tulong sa iyo kaugnay ng anumang tanong mo o isyu na maaari mong maranasan habang ginagamit ang mga serbisyo namin. Halimbawa, bagama’t ang mismong Travel Supplier ang responsable sa iyo para sa anumang isyu na maaari mong maranasan sa isang flight, hotel, o iba pang serbisyo sa pagbiyahe na na-book mo sa pamamagitan ng Skyscanner, kung ikaw o ang Travel Supplier ay makikipag-ugnayan sa amin hinggil sa isang isyu sa iyong pag-book, kakailanganin naming gamitin ang ilan sa iyong personal na data upang matulungan ka;
• Pag-unawa at pagsusuri kung paano, kailan, at bakit ginagamit ng mga tao ang Skyscanner para sa mga layunin ng paghahatid, pagsusuri, pagpapahusay, at pag-optimize sa paghahatid ng mga serbisyo namin. Halimbawa:
• • pagsubaybay sa mga bilang ng mga user na nare-redirect o nagbu-book sa mga Travel Supplier at mga detalye ng mga nauugnay na opsyon sa pagbiyahe na pinipili para sa mga layunin ng mga komersyal na tala at analytics ng negosyo;
  • pagsusuri sa pinagsama-samang impormasyon hinggil sa kung anong iba't ibang grupo ng mga user ang maaaring tumitingin o nagki-click sa mga serbisyo namin upang higit na maunawaan kung aling mga feature o functionality ang mas sikat o mas nakakatulong kumpara sa iba pa;
  • pagrepaso at pag-moderate ng anumang Content ng User na in-upload mo sa Mga Serbisyo ng Skyscanner;
  • pagpapatakbo ng mga A/B test na nagpapakita ng mga alternatibong bersyon ng aming mga serbisyo sa iba't ibang grupo ng mga user, upang suriin ang positibo o negatibong epekto ng mga naturang pagbabago sa karanasan ng aming mga user sa mga serbisyo namin. Halimbawa, maaari naming baguhin ang pagiging kapansin-pansin, kulay, o posisyon ng isang button para sa iba’t ibang user na bumibisita sa aming site upang matulungan kaming maunawaan kung paano gawing mas madaling gamitin ang aming serbisyo o makuha ang pansin ng mga user sa pinakanauugnay at pinakamahalagang impormasyon sa mas mabisang paraan; at
  • pagsukat sa bisa ng aming mga komunikasyon sa pamamagitan ng pagtatala at pagsusuri kung nabuksan ang mga email na naipadala namin sa iyo.
• Pag-personalize sa iyong karanasan sa mga serbisyo namin upang matiyak na ang iyong karanasan sa Skyscanner ay nakakatulong, mahusay, at nauugnay hangga't maaari. Halimbawa:
• • gagamit kami ng cookies upang tandaan ang mga kagustuhan mo sa wika at currency at maaari rin naming i-personalize ang iyong karanasan sa pamamagitan ng pag-highlight o pagrekomenda sa ilang partikular na impormasyon o opsyon sa pagbiyahe na pinaniniwalaan naming nauugnay sa iyo batay sa iyong history ng paghahanap sa Skyscanner at paggamit sa mga serbisyo namin;
  • kung hiniling mo sa aming padalhan ka ng mga newsletter o iba pang komunikasyon sa marketing, maaari naming ibagay ang mga panahon o content ng mga ito upang ipakita ang mga bagay kung saan ka pinakainteresado sa palagay namin, gaya sa pamamagitan ng paggamit sa impormasyong naghanap ka kamakailan ng flight sa Barcelona upang ma-prompt kami na magtanong kung gusto mo ring maghanap ng hotel sa Barcelona;
  • maaari naming gamitin ang iyong impormasyon ng lokasyon upang hulaan kung sa aling airport mo malamang gustong umalis o dumating pabalik; at
  • pagpapakita ng mga nauugnay na advertisement sa iyo tungkol sa mga serbisyo namin o iba pang serbisyo kung saan ka maaaring interesado sa palagay namin. Halimbawa, kapag alam naming naghanap ka kamakailan ng flight papunta sa isang partikular na lokasyon, maaari kaming magpakita ng mensahe sa iyo na nagtatanong kung gusto mong maghanap ng hotel o kotse sa lokasyong iyon. Tingnan ang seksyong Paano ginagamit ang iyong impormasyon para sa advertising? sa ibaba para sa higit pang impormasyon.
  • Kasama sa pag-personalize sa iyong karanasan ang paggawa namin ng profile at timeline ng aktibidad mo sa mga serbisyo namin. Gayunpaman, maingat naming tinitiyak na hindi kasama sa aming mga aktibidad ang pagsasagawa ng anumang profiling o automated na pagpapasya na maaaring magkaroon ng anumang legal o iba pang malaking epekto sa iyo.
  • Maaaring gamitin namin ang data mo para sanayin ang mga machine learning algorithm namin para makatulong na i-personalize ang Mga Serbisyo. Hindi kami gagamit ng direktang mapagkikilanlang impormasyon tulad ng mga detalye mo sa pagkontak o data ng pagbabayad para sa mga layuning ito.
• Pagbibigay ng batayan sa mga pagpapasya sa negosyo para sa diskarte sa pamamagitan ng paggawa ng mga pinagsama-samang dataset ng data na ginawang anonymous na nagbibigay-daan sa aming bumuo ng mga nakakatulong na insight sa mga pattern o trend sa industriya ng pagbiyahe. Halimbawa, maaari kaming gumamit ng data ng paghahanap upang subaybayan ang demand para sa mga destinasyon at tiyaking ang mga pamasahe at opsyon sa pagbiyahe na ipinapakita namin sa aming mga user ay available sa pamamagitan ng mga serbisyo namin. Kapaki-pakinabang din ang impormasyong ito para sa mga Travel Supplier dahil nabibigyang-daan sa kanila ang mga ito na tumukoy ng mga bagong ruta o lokasyon na in demand at tiyaking naghahatid sila ng mga kumpetitibong rate.
• Pagkontak sa iyo upang imbitahan kang lumahok sa tunay na pananaliksik sa merkado.

Kapag pinoproseso namin ang iyong personal na data batay sa isang lehitimong interes, gagawin lang namin ito kapag ang pagpoproseso ay nauugnay, sapat, at nalilimitahan sa kung ano ang kailangan para sa layunin kung para saan ito kinolekta. At siyempre, palagi naming titiyaking ang aming mga lehitimong interes ay hindi makakaapekto nang hindi patas sa iyong mga sariling karapatan at kalayaan.

Kapag pinahintulutan mo kami.

Kukunin namin ang iyong pahintulot para sa mga layunin gaya ng:

• pagpapadala sa iyo ng mga email para sa mga serbisyong hihilingin mo gaya ng Mga Alerto sa Presyo;
• pagpapadala sa iyo ng direktang komunikasyon sa marketing sa pamamagitan ng email, push notification, o iba pang paraan na pinahintulutan mong gawin namin;
• pag-iimbak ng ilang partikular na cookies sa iyong device, kung saan kailangan ng pahintulot ang paggawa rito; at
• pagtatala at pagsusuri sa feedback na ibinibigay mo sa amin kapag sumang-ayon ka na lumahok sa one-to-one na user testing.

Kapag pinoproseso namin ang iyong personal na data batay lang sa iyong pahintulot, maaari mong bawiin ang pahintulot na ito anumang oras sa pamamagitan ng paggamit sa functionality na ibinigay sa naaangkop na feature ng produkto o sa pamamagitan ng pakikipag-ugnayan sa amin.

Kapag kailangan naming isagawa o sumunod sa aming sariling mga legal na karapatan o obligasyon.

Maaari naming kailanganing panatilihin at gamitin ang iyong impormasyon kaugnay ng mga legal na paghahabol, o para sa mga layunin ng pagsunod, regulasyon, at pag-audit. Halimbawa, maaari kaming magpanatili ng impormasyon kapag iniaatas ito sa amin ng batas, o kung sapilitan itong ipapagawa sa amin sa pamamagitan ng isang utos ng hukuman o ng isang ahensyang panregulasyon. Gayundin, kapag magsasagawa ka ng anumang nalalapat na legal na karapatan na mayroon ka upang i-access, baguhin, o i-delete ang iyong personal na data, maaari kaming humiling ng mga dokumento ng pagkakakilanlan at dokumento sa pag-verify mula sa iyo para sa layunin ng pagkumpirma sa iyong pagkakakilanlan.

May maliliit na impormasyong makokolekta, maiimbak, at mapoproseso sa lahat ng gumagamit ng mga serbisyo namin. Gayunpaman, hindi kami nangongolekta ng mas maraming impormasyon kaysa sa kailangan namin.

Matuto pa tungkol sa kung anong impormasyon ang kinokolekta namin at kung paano namin ito kinokolekta

Hindi ka namin matutulungang planuhin at i-book ang iyong pangarap na biyahe nang walang impormasyon. Kaya naman, kapag ginagamit mo ang mga serbisyo namin, kailangan naming mangolekta, magtago, at magbahagi ng ilang personal na data at hilingin sa iyong sumang-ayon doon alinsunod sa patakarang ito. Nangongolekta kami ng impormasyon sa tatlong paraan:

Kusang-loob mo itong ibibigay sa amin

Maaaring kabilang sa impormasyong pipiliin mong ibigay sa amin ang personal na data na kinakailangan upang makapag-book ka ng biyahe para sa iyong sarili at sa iba pang tao. Kasama rito ang mga petsa at destinasyong pipiliin mo sa isang paghahanap, maging ang mga pangunahing bagay na kailangan para sa pag-book sa isang Travel Supplier gaya ng mga pangalan at detalye sa pakikipag-ugnayan. Maaaring kabilang din dito ang content tulad ng mga review o larawan na ina-upload mo sa mga serbisyo namin upang ibahagi sa iba pang biyahero. Higit sa lahat, ikaw palagi ang magpapasya kung ibibigay mo sa amin o hindi ang ganitong uri ng impormasyon.

Awtomatiko namin itong binubuo o kinokolekta

Awtomatiko kaming bumubuo o nangongolekta ng ilang impormasyon mula sa iyong computer o device habang ginagamit mo ang mga serbisyo namin. Kabilang dito ang mga bagay gaya ng iyong IP address, impormasyon tungkol sa device at browser na ginagamit mo upang i-access ang mga serbisyo namin, URL ng website kung saan mo kami binisita, at mga third party na site na binibisita mo kapag nagki-click ka sa mga link upang lumabas sa site ng Skyscanner. Kabilang din dito ang mga detalye ng mga pag-book na ginawa mo sa pamamagitan ng Skyscanner. Maaari din naming malaman ang iyong lokasyon mula sa iyong mobile o IP address. Makakatulong ito sa amin na pagandahin ang iyong karanasan at tiyaking matatanggap mo ang content na pinakanauugnay sa iyo.

Natatanggap namin ito sa mga third party

Minsan, nabibigyan kami ng impormasyon tungkol sa iyo mula sa mga third party, depende kung paano mo pipiliing makipag-ugnayan sa amin. Halimbawa, kapag pupunta ka sa aming website sa pamamagitan ng isang partner sa promosyon, o kapag nag-log in ka sa iyong account sa Skyscanner gamit ang aming feature na pag-log in sa social network. At, kung nag-book ka sa isang Travel Supplier upang kumpletuhin ang iyong pag-book, maaari kaming mangolekta ng impormasyon mula sa kanila kung itinuloy mo ang iyong biyahe, kung ano ang iyong na-book at kung ang booking mo ay matagumpay. Maaari kaming kumolekta ng impormasyon tungkol sa iyo mula sa mga tagapaglaan ng serbisyong pang-iwas sa panloloko na katulungan namin para mapigilan ang maling paggamit ng personal mong data.

Ang mga serbisyo namin ay hindi nilalayon para sa mga batang wala pang 16 taong gulang at walang sinumang wala pa sa edad na 16 ang dapat na magbigay ng anumang impormasyon sa, o sa pamamagitan ng, mga serbisyo namin. Hindi namin nilalayong mangolekta ng personal na data mula sa mga batang wala pang 16 taong gulang, at ide-delete namin ang anumang impormasyong malalaman naming nakolekta o natanggap namin na hindi ibinigay ng, o nang walang tahasang pahintulot sa ngalan ng, magulang o legal na tagapag-alaga ng bata.

Depende kung paano ka nakikipag-ugnayan sa mga serbisyo namin, maaari naming kolektahin o iproseso ang mga sumusunod na kategorya ng personal na data sa pamamagitan ng tatlong magkakaibang paraan na ipinaliwanag sa itaas.

• Impormasyon sa Pakikipag-ugnayan:
• • gaya ng iyong pangalan, address, email address, numero ng telepono, at iba pang katulad na impormasyon.
• Impormasyon ng pagkakakilanlan:
• • gaya ng kopya ng iyong passport o iba pang dokumentong nagkukumpirma ng pagkakakilanlan na maaaring maglaman ng impormasyon gaya ng iyong pangalan, address, kasarian, nasyonalidad, at petsa ng kapanganakan.
• Impormasyon ng mga pagbabayad:
• • gaya ng numero at petsa ng pag-expire ng iyong credit o debit card at code ng pag-verify kapag nag-book ka ng biyahe sa pamamagitan ng mga serbisyo namin.
• Impormasyon ng Biyahe at Pag-book:
• • gaya ng iyong reference sa pag-book, history ng pag-book, passenger name record ("PNR"), impormasyon ng pagkakakilanlan o passport, at itineraryo ng biyahe.
• Impormasyong Demograpiko:
• • ang iyong edad, kasarian, lokasyon, at gustong wika kapag ginagamit mo ang mga serbisyo namin.
• Impormasyon ng Device at Lokasyon:
• • pangkalahatang detalye mula sa iyong device gaya ng iyong IP address at uri, manufacturer, modelo, at operating system ng iyong device;
  • data ng partikular na lokasyon batay sa data ng GPS mula sa iyong mobile device (kapag binigyan mo kami ng access sa impormasyong ito sa pamamagitan ng mga setting ng device mo); at
  • hindi partikular na lokasyon batay sa iyong IP address.
• Impormasyon ng Paggamit at Profiling:
• • ang iyong history ng paghahanap sa Skyscanner at mga kagustuhan sa pagbiyahe;
  • kung paano ka nakikipag-ugnayan sa mga serbisyo namin, kabilang ang oras na ginugugol mo sa aming site at/o app at ang mga page, feature, o functionality na na-access mo;
  • mga link na na-click mo upang ma-redirect papunta o mula sa mga serbisyo namin, kabilang ang pagkakakilanlan ng Travel Supplier kung saan ka nagre-redirect at ang uri ng serbisyo sa pagbiyahe na napili mo; at
  • kapag na-redirect ka sa website o app ng isang Travel Supplier para sa mga layunin ng pagkumpleto ng pag-book, maaari kaming mangolekta ng impormasyon mula sa Travel Supplier na iyon tungkol sa kung itinuloy mo ang pag-book sa kanila at kung ano ang na-book mo sa kanila.
• Impormasyon tungkol sa Mga Kagustuhan:
• • mga napiling kagustuhang nauugnay sa iyong account sa Skyscanner kabilang ang mga partikular na pahintulot na ibinigay o itinanggi mo, kagustuhan sa email at push notification, at cookies na naglalaman sa mga kagustuhan mo sa advertisement.
• Impormasyon sa Komunikasyon:
• • kabilang ang mga komunikasyong natatanggap namin mula sa iyo gaya ng feedback, mga kahilingan sa tulong, at mga query sa pamamagitan ng email at iba pang electronic na paraan ng komunikasyon gaya ng online chat, instant messaging, o social media; at
  • metadata na nauugnay sa mga komunikasyong iyon, gaya ng oras at petsa.
• Content na Binuo o Ibinigay ng User:
• • content na ina-upload mo sa mga serbisyo namin kabilang ang mga komento, larawan, video, rekomendasyon, kagustuhan at review, at metadata gaya ng oras at petsang nauugnay sa content na iyon; at
  • anumang impormasyong isinusumite mo sa amin sa anumang pakikipag-ugnayan mo sa amin, gaya ng mga lagda, larawan, opinyon, at, kapag nag-a-apply ka ng trabaho sa Skyscanner, mga detalye ng iyong kasaysayan ng pagtatrabaho, suweldo, at iba pang katulad na impormasyon.
• Impormasyon sa Social Media
• • ang email address ay awtomatiko naming kinokolekta mula sa third party na social media platform na ginagamit mo upang mag-log in sa Skyscanner.

Pinapanatili lang namin ang iyong data hangga’t kailangan namin ito, o kung kinakailangan para sa mga legal na dahilan. Pagkatapos ay ide-delete namin o gagawin namin itong anonymous upang hindi ka nito matukoy. Pinangangasiwaan namin sa iba't ibang paraan ang data depende kung para saan ito, ngunit maaari mong hilingin sa aming i-delete ang iyong personal na data anumang oras.

Matuto pa tungkol sa kung gaano katagal namin iniimbak ang iyong personal na data

Itinatago lang namin ang iyong personal na data hangga’t kailangan namin. Ito ay depende kung bakit ito kinolekta, o kung mayroon kaming patuloy na legal na dahilan upang gawin ito (gaya upang tuparin ang isang kontrata sa pagitan natin, magsagawa ng serbisyong hiniling mo, o para sa aming mga lehitimong interes). Tinitiyak namin na kung wala na kaming dahilan o legal na pangangailangang iproseso ang iyong personal na data, ide-delete namin ito o iiimbak namin ito sa paraang hindi na tutukoy sa iyo.

Mayroon kaming iba't ibang patakaran sa pagpapanatili para sa iba't ibang uri ng personal na data, nang isinasaalang-alang ang:

• Layunin ng pagkolekta sa personal na data;
• Gaano katagal bago matupad ang layuning iyon; at
• Anumang partikular na dahilan o nananaig na legal na obligasyon upang panatilihin ang personal na data para sa isang partikular na tagal ng panahon.

Gayundin, kung mayroon kang account sa amin, magpapanatili kami ng personal na data gaya ng iyong email address, pangalan, at iba pang detalye upang magawa mong mag-log in at i-access ang mga serbisyo namin hangga’t mayroon kang account. Maaari kaming magpanatili ng iba pang impormasyon sa loob ng hindi tukoy na tagal ng panahon - gaya ng aktibidad sa site na nauugnay sa isang IP address - na ginagamit namin upang makatulong sa aming maunawaan ang aming mga biyahero, pahusayin ang aming mga produkto at serbisyo, at protektahan ang aming mga interes sa negosyo.

Maaari din naming tanggalin ang Content ng User na maaaring kasama ang personal na data, ayon sa aming mga tuntunin ng serbisyo at mga gabay ng komunidad.

Gaano man katagal ang panahon ng pagpapanatili, maaari mong hilingin sa aming i-delete ang iyong personal na data sa ilang partikular na sitwasyon. Matuto pa tungkol sa kung paano mo mapapamahalaan ang iyong personal na data sa seksyong Ano ang iyong mga opsyon at karapatan? ng patakarang ito.

Ibinabahagi lang namin ang iyong impormasyon kapag hinihiling mo sa amin na gawin ito, kapag isa itong kinakailangang bahagi ng pakikipagnegosyo sa iyo at ng pagbibigay sa iyo ng mga serbisyo, o kapag kailangan namin itong gawin para sa mga legal na dahilan. Kokolektahin ng mga kompanya kung saan ka magbu-book sa pamamagitan ng Skyscanner (gaya ng mga airline o hotel) ang iyong data alinsunod sa sarili nilang mga patakaran. Minsan, maaari ring kolektahin ng mga kompanyang nag-a-advertise sa pamamagitan ng mga serbisyo namin ang iyong impormasyon (tingnan ang Gumagamit ba kami ng cookies o iba pang katulad na teknolohiya?). Panghuli, kokolektahin at gagamitin din ng mga kompanyang tumutulong sa amin na ihatid ang aming mga serbisyo ang iyong data sa ngalan namin.

Matuto pa kung paano namin ibinabahagi o kung paano namin pinapayagan ang iba pa na kolektahin ang iyong impormasyon

Pagbabahagi ng personal na data sa mga third party na nagpoproseso lang nito kapag itinagubilin namin

Nagbabahagi kami ng impormasyong nauugnay sa aming mga user sa mga piling third party na nagbibigay sa amin ng iba’t ibang uri ng serbisyo na sinusuportahan ang paghahatid ng mga serbisyo namin (tawagin natin ang mga ito na "Mga Third Party na Processor”). Kabilang sa Mga Third Party na Processor na ito ang mga provider ng teknikal na imprastraktura, serbisyo sa customer, at mga tool sa pag-authenticate. Iniaatas namin sa anumang Third Party na Processor na nangangasiwa ng impormasyon sa aming ngalan na gawin ito alinsunod sa mga tuntunin sa kontrata na nag-aatas na panatilihing ligtas ang impormasyon, iproseso ito alinsunod sa mga naaangkop na batas sa pagprotekta ng data, at gamitin lang ito ayon sa itinagubilin namin at hindi para sa mga sariling layunin ng Third Party na Processor na iyon (maliban na lang kung tahasan mo silang papahintulutang gawin iyon).

Ang Mga Third Party na Processor ay maaaring matagpuan, o maaari nilang iproseso ang iyong impormasyon, sa labas ng bansa kung saan ka nakabase. Kapag kasama sa aming paggamit ng Third Party na Processor ang paglilipat ng personal na data mula sa Europe papunta sa isang lokasyon sa labas ng European Economic Area, magtatakda kami ng mga naaangkop na hakbang upang tiyaking ang personal na data ay mapoprotektahan nang sapat sa lokasyong iyon, pinakamadalas ay sa pamamagitan ng paglalapat ng mga pamantayang probisyon sa kontrata na inaprubahan ng European Commission kasama ang mahihigpit na pagsusuring panseguridad.

Kabilang sa mga uri ng Third Party na Processor kung saan kami maaaring magbahagi ng mga elemento ng iyong personal na data ang:

• mga processor ng pagbabayad kung saan kami nakikipagtulungan upang ligtas na mag-imbak o mangasiwa ng impormasyon ng mga pagbabayad, gaya ng mga detalye ng credit o debit card, na kinakailangan para sa pangangasiwa ng mga pag-book sa mga Travel Supplier - halimbawa, kapag ibibigay mo sa amin ang mga detalye ng iyong credit o debit card, iiimbak namin ang mga ito sa isang data vault na sumusunod sa PCI na ibinigay ng isang third party na processor ng pagbabayad na nangunguna sa industriya;
• mga provider ng pamamahala at mga tool sa pamamahagi ng email - halimbawa, kung magsa-sign up ka upang makatanggap ng mga newsletter ng Skyscanner o iba pang mensahe sa marketing, papamahalaan namin ang paghahatid ng mga ito sa iyo gamit ang isang third party na tool sa pamamahagi ng email;
• mga provider ng mga serbisyo sa seguridad at pagpigil sa panloloko - halimbawa, ginagamit namin ang mga provider na ito upang tumukoy ng mga automated na software agent na maaaring makaantala sa mga serbisyo namin o upang pigilan ang maling paggamit sa aming mga API;
• mga provider ng mga serbisyo ng software para sa pagsasama-sama ng data at analytics na nagbibigay-daan sa aming mabisang subaybayan at i-optimize ang paghahatid sa mga serbisyo namin;
• mga provider ng mga tool sa pagsubaybay na ginagamit namin upang subaybayan ang mga pagkakataong nagki-click ka sa isang link sa website ng isang Travel Supplier at nagre-redirect mula sa platform ng Skyscanner papunta sa platform ng Travel Supplier na iyon;
• mga provider ng mga software platform na tumutulong sa amin sa pakikipag-ugnayan o pagbibigay ng mga serbisyo ng suporta sa customer sa iyo - halimbawa, pinapamahalaan at tinutugunan namin ang anumang mensaheng ipinapadala mo sa amin sa pamamagitan ng aming help center gamit ang isang third party na tool sa pamamahala ng mga komunikasyon;
• mga provider ng mga online na serbisyo ng cloud storage at iba pang mahalagang serbisyo ng suporta ng IT; at
• iba pang kompanyang kasama sa grupo ng Skyscanner, para sa layunin ng pagsuporta sa paghahatid ng mga serbisyo namin sa iyo. Mula sa petsa ng patakarang ito, sinusuportahan ng sumusunod na mga subsidiary ng Skyscanner Limited ang paghahatid ng mga serbisyo namin:
• • Skyscanner Bulgaria EOOD (Bulgaria)
  • Distinction Informatikai Szolgáltató Korlátolt Felelősségű (Hungary)
  • ExperienceOn Ventures Sociedad Limitada (Spain)
  • Beijing Skyscanner Technology Co Limited (China)
  • Skyscanner Private Limited (Singapore)
  • Skyscanner Incorporated (USA)
  • Gogobot Inc d/b/a 'Trip by Skyscanner' (USA)
  • Shenzhen Skyscanner Technology Co. Limited (China)

Pagbabahagi ng iyong impormasyon sa mga third party, o pagpapahintulot sa kanila na kolektahin ito, para sa pagpoproseso na wala sa aming kontrol

Kung bibili ka ng biyahe sa isang Travel Supplier mula sa platform ng pag-book ng mga serbisyo namin, ibabahagi ang anumang personal na data na isusumite mo bilang bahagi ng proseso ng pag-book sa nauugnay na Travel Supplier at/o isang third party na nakipagkontrata upang magbigay ng mga serbisyo sa kanilang ngalan, upang maproseso ang pag-book. Kapag ibabahagi namin ang iyong personal na data sa paraang ito, magkakaroon ka ng pagkakataong suriin muna ang patakaran sa pagkapribado at mga tuntunin at kundisyon ng Travel Supplier. Bago magkumpleto ng anumang pagbili, inirerekomenda naming maingat mong suriin ang mga dokumentong ito upang maunawaan kung paano gagamitin ng Travel Supplier na iyon ang iyong impormasyon. Maaari din kaming magbahagi ng personal na data sa Travel Supplier para sa kanila o sa aming pamantayang pag-verify at mga layunin sa pagtukoy ng panloloko.

Upang mapigilan at matukoy ang panloloko, maaari kaming magbahagi ng impormasyon tungkol sa iyo sa mga tagapaglaan ng serbisyong pamigil ng panloloko na katulong namin ("Mga Tagapaglaan ng Pamigil sa Panloloko").

Ang Mga Travel Supplier at Mga Tagapaglaan ng Pamigil sa Panloloko ay maaaring matagpuan, o maaari nilang iproseso ang iyong impormasyon, sa labas ng bansa kung saan ka nakabase. Halimbawa, kung nagbu-book ka ng flight na tumatakbo sa loob ng partikular na bansa, dapat mong asahan na ang personal mong impormasyon ay ililipat sa at ipoproseso ng Mga Travel Supplier na nasa bansang iyon. Ang mga regulasyon sa mga bansang ito ay maaaring hindi magbigay ng parehong antas ng proteksiyon sa personal na data tulad ng mga regulasyon sa sarili niyong bansang tinitirhan.

Magbabahagi kami ng personal na data sa mga third party kapag hayagan mo kaming papahintulutang gawin ito, gaya kapag magpapatakbo kami ng promosyon kasama ang isang partner at itatagubilin mo sa aming ibahagi ang iyong email address sa third party na iyon para sa layunin ng pagtanggap ng mga pampromosyong email.

Ang pampublikong makukuhang personal na data na kasama sa Content ng User tulad ng iyong pangalan, itsura at content ng mga pagrepaso at mga post ay maaaring ibahagi at/o gawing makukuha ng maingat na piniling mga ikatlong partido na mayroon kaming kontratang relasyon sa layunin ng pagpapakita sa content na ito sa kanilang mga produkto at serbisyo na kaugnay ng pagbiyahe.

Maaari kaming magbahagi at/o gawing available ang iyong pampublikong maa-access na personal na data tulad ng iyong pangalan, litrato sa profile, mga pagrepaso, mga litrato ng biyahero at mga post sa mga maingat na napiling ikatlong partido na may kontratang relasyon kami.

Matuto pa tungkol sa kung paano mo mapapamahalaan ang iyong personal na data kapag ibinahagi ito sa ganitong paraan sa seksyong Ano ang iyong mga opsyon at karapatan? ng patakarang ito.

Ang ilang partikular na impormasyon ay maaari ding kolektahin mula sa iyo ng mga third party gaya ng mga advertiser, marketing network, at affiliate (tingnan ang seksyong Paano kami nag-a-advertise? sa ibaba) gamit ang cookies at mga katulad na teknolohiya. Halimbawa ang iyong IP address at mga pangyayaring nauugnay sa aktibidad mo gaya ng mga paghahanap na isinagawa mo o mga page na tiningnan mo sa Skyscanner ay maaaring kolektahin at ipadala sa mga third party na ito upang makapagbigay sila ng nauugnay na advertising sa iyo sa buong web. Hindi kailanman kabilang sa impormasyong kinokolekta sa ganitong paraan ang iyong pangalan, mga detalye sa pakikipag-ugnayan, o iba pang impormasyong maaaring magbigay-daan upang makilala ka sa offline na mundo. Maaari ka pang matuto tungkol sa pag-advertise sa Skyscanner, kabilang ang kung paano ka maaaring mag-opt out sa ilang partikular na uri ng advertising sa seksyong Paano kami nag-a-advertise? ng patakarang ito at sa aming Patakaran sa Cookie.

Pagsisiwalat ng impormasyon para sa legal at iba pang dahilan

Maaari naming isiwalat ang iyong impormasyon kapag kinakailangan upang ipatupad ang aming Mga Tuntunin ng Serbisyo o iba pang kasunduan, o sa isang inaasahan o sa mismong buyer kung sakaling maibenta ang Skyscanner mismo (o bahagi ng aming negosyo). Maaari din naming isiwalat ang iyong impormasyon kung kinakailangan upang pumigil, tumukoy, o mag-usig ng mga ilegal o pinaghihinalaang ilegal na aktibidad, kabilang ang panloloko, o upang pigilan ang iba pang pinsala o kapag kinakailangan bilang tugon sa mga kahilingang kinakailangang sundin ayon sa batas, legal na pagkilos laban sa amin, o upang ipatupad ang aming mga karapatan at paghahabol.

Likas sa aming kultura ang pag-iingat sa iyong pagkapribado at gumagamit kami ng kumbinasyon ng mga paraang sumusunod sa pamantayan ng industriya upang protektahan ito.

Matuto pa tungkol sa kung paano namin pinapanatiling secure ang iyong personal na data

Ang pagpapanatiling ligtas sa iyong personal na data ang aming pinakamataas na priyoridad. Nililimitahan lang namin ang access sa mga empleyado ng grupo ng Skyscanner na nakatanggap sa iyong impormasyon upang gampanan nila ang kanilang mga trabaho at ihatid ang aming mga serbisyo.

Sa kasamaang-palad, walang website o app na makakagarantiya ng ganap na seguridad ngunit gumawa kami ng programa ng seguridad para sa buong organisasyon na idinisenyo upang mapanatiling ligtas ang iyong personal na data hangga’t maaari. Gumagamit ito ng iba’t ibang teknikal, pang-organisasyon, at administratibong hakbang sa seguridad, at mga technique ng pinakamahuhusay na kagawian, depende sa uri ng data na pinoproseso. Halimbawa, ang mga computer system na ginagamit namin upang iimbak ang iyong data ay may mga limitasyon sa access at mga server na in-cloud based na gumagamit ng disc encryption na sumusunod sa pamantayan ng industriya. Gumagamit kami ng TLS at HTTPS encryption upang protektahan ang iyong personal na data kapag inililipat namin ito sa pamamagitan ng internet. At nagsasagawa kami ng mga pagsusuri sa seguridad sa Mga Third Party na Processor na nangangasiwa sa iyong data.

Upang tiyaking nagpapanatili kami ng kultura ng ‘Pagkapribado ayon sa Disenyo,’ sinasanay namin nang husto ang lahat ng empleyado ng grupo ng Skyscanner hinggil sa proteksyon ng data at pagkapribado. Dine-develop namin ang aming mga serbisyo nang may layuning gamitin ang pinakakaunting personal na data na posible, kasama ang sa pamamagitan ng paggamit ng mga diskarte sa pagbabawas ng data tulad ng anonymization at pseudonymization. Gayundin, kapag binubuo o ina-update namin ang aming mga serbisyo sa mga paraang kasama ang pagkolekta o paggamit ng mga bagong anyo ng personal na data, nagsasagawa kami ng pagsusuri sa epekto sa pagkapribado upang maunawaan, at mabawasan, ang posibilidad ng anumang hindi sinasadyang epekto sa iyo.

Ang iyong data ay ligtas na nakaimbak sa mga data center sa buong mundo - ang eksaktong lokasyon ay depende kung nasaan ka kapag ginagamit mo ang Skyscanner. Ipoproseso lang ang iyong data ng mga supplier na nagbibigay ng mga naaangkop na pag-iingat sa kontrata para sa impormasyong pinoproseso nila. Minsan, maaaring maimbak ang iyong data sa mga bansa na may iba’t ibang antas ng seguridad kumpara sa sarili mong bansa ngunit palagi naming tinitiyak na natutugunan ng kanilang mga pamantayan ang aming mga pamantayan.

Matuto pa tungkol sa kung paano namin iniimbak ang iyong impormasyon

Iniimbak namin ang impormasyong nakokolekta namin mula sa iyo sa mga ligtas na server sa iba’t ibang lokasyon, depende kung nasaan ka sa mundo kapag ina-access mo ang aming site. Sa kasalukuyan ay gumagamit kami ng mga server na nasa Ireland, Frankfurt, Tokyo, Singapore at Russia. Ang mga server na ito ay ibinibigay at/o sinusuportahan ng mga third party na kumikilos ayon sa aming tagubilin (tingnan ang Kailan ibinabahagi sa o kinokolekta ng mga third party ang iyong impormasyon? para sa higit pang impormasyon).

Minsan, ang mga bansa kung saan inililipat, o iniimbak, ang iyong data ay maaaring magkaroon ng iba, o mas hindi istriktong, mga pamantayan ng proteksyon ng data at seguridad kaysa sa amin. Gayunpaman, sa ilalim ng mga lokal na batas sa mga bansang ito, ibibigay namin ang mga pag-iingat na kinakailangan upang protektahan ang iyong data saanman ang lokasyon. Ginagawa namin ito sa pamamagitan ng isang kumbinasyon ng mga naaangkop na teknikal, pang-organisasyon, at administratibong hakbang sa seguridad, at sa pamamagitan ng pagtatakda sa mga kinakailangang legal na kontrata upang suportahan ang mga kinakailangang ito. Halimbawa, iiimbak lang namin ang personal na data ng isang user sa Europe sa labas ng European Economic Area kung saan may naitakdang paraan ng pag-validate sa paglilipat na naaprubahan ng European Commission.

Kung may tanong ka tungkol sa mga hakbang na ginagawa namin para pangalagaan ang iyong personal na data, mangyaring kontakin kami gamit ang mga detalyeng nakatakda sa Patakaran sa Pagkapribado na ito (tingnan ang Sino kami at paano ka makikipag-ugnayan sa amin?).

Makakakita ka ng iba’t ibang ad kapag ginagamit mo ang mga serbisyo namin at maaari ka ring makakita ng mga ad tungkol sa Skyscanner kapag nasa ibang platform ka. Ang mga ad na ito ay maaaring magmula sa amin o sa mga third party at maaaring i-personalize ang mga ito upang gawing mas nauugnay sa iyo ang mga ito. Maaaring kabilang sa impormasyong ginagamit upang i-personalize ang mga ad na nakikita mo ang iyong mga detalye ng kung ano ang hinanap mo sa Skyscanner o pangkalahatang impormasyon ng lokasyon sa antas ng lungsod o airport, ngunit hindi kailanman kabilang ang iyong pangalan, mga detalye sa pakikipag-ugnayan, o iba pang impormasyon na makakapagbigay-daan na makilala ka sa offline na mundo. Kung gusto mong pamahalaan kung paano ginagamit ang iyong impormasyon para sa mga layunin ng advertising, maaari kang matuto pa sa ibaba at sa aming Patakaran sa Cookie.

Matuto pa tungkol sa kung paano ginagamit ang iyong impormasyon para sa advertising

Mga ad na maaari mong makita habang ginagamit ang Skyscanner

Madalas kang makakakita ng mga ad habang ginagamit ang mga serbisyo namin. Ang mga ad na ito ay direktang ihahatid namin o ng mga third party na provider ng advertising solution na kasosyo namin (tawagin natin ang mga ito na “Mga Ad Solution ng Third Party”).

Ang karamihan sa mga ad na ito ay ipe-personalize upang maging nauugnay ang mga ito sa iyo at mahahati ang mga ito sa dalawang kategorya. Una, mga ad na na-personalize para sa iyo batay sa impormasyong nakolekta namin o ng Mga Third Party na Ad Solution habang ginagamit mo ang mga serbisyo namin, gaya ng iyong pangkalahatang lokasyon (ayon sa lungsod o bansa) at iyong history ng mga paghahanap o pag-book sa Skyscanner ("Impormasyong Nauugnay sa Skyscanner"). Kaya, halimbawa, kung nag-book ka ng flight papunta sa Rome, makakakita ka ng mga ad tungkol sa mga hotel sa Rome, sa halip na mga hotel sa Paris (Maganda ang Paris, ngunit maaaring makaabala ito!). Hindi kailanman kabilang sa impormasyong nauugnay sa Skyscanner ang iyong pangalan, mga detalye sa pakikipag-ugnayan, o iba pang impormasyong maaaring magbigay-daan upang makilala ka sa offline na mundo. Pangalawa, mga ad na na-personalize para sa iyo batay sa impormasyong hindi namin nakikita o kontrolado sa halip ay kinokolekta mula sa iyo ng Mga Third Party na Solution kapag gumagamit ka ng iba pang website o platform na hindi Skyscanner ("Mga Platform na Hindi Skyscanner"). Sa kabuuan, tinatawag namin ang mga ito na mga advertisement na “batay sa interes.

Ang impormasyong kinakailangan upang maihatid ang mga advertisement na batay sa interes na ito ay iiimbak ng Mga Third Party na Ad Solution kasama ng iyong IP address at/o isang cookie ID, upang maibigay sa iyo ang mga ad nang hindi kinakailangan ng Mga Third Party na Ad Solution na mag-imbak ng anumang impormasyong makakapagbigay-daan upang makilala ka sa offline na mundo, gaya ng iyong pangalan o address.

Kapag naka-opt in ka sa pag-personalize ng mga ad, maaari rin kaming gumamit ng impormasyong nakolekta namin sa pamamagitan ng cookies at mga katulad na teknolohiya upang magpakita sa iyo ng mga na-personalize na ad, marketing at promosyon sa Skyscanner, o upang magpadala sa iyo ng mga komunikasyon kung saan nag-opt in kang matanggap ang mga ito. Halimbawa, kapag nag-book ka ng flight gamit ang Skyscanner o redirect mula sa Skyscanner upang gumawa ng booking sa site ng isa sa aming kasosyo, maaari naming gamitin ang impormasyong kinokolekta namin sa pamamagitan ng cookies at mga katulad na teknolohiya upang i-personalize ang mga ad na ipinapakita namin sa iyo o upang padalhan ka ng naka-personalize na mga komunikasyon sa marketing na nauugnay sa iyong booking batay sa impormasyon gaya ng iyong destinasyon, oras kung kailan ka bibiyahe, mga serbisyong pinili mo o aling travel supplier ang gagamitin mo. Maaari rin naming gamitin ang impormasyong ito upang magbigay sa iyo ng nauugnay na impormasyon tungkol sa destinasyon kung saan ka pupunta gaya ng Mga Gabay sa Lungsod o napapanahong impormasyon ng lagay ng panahon o upang humiling ng mga review at rekomendasyon tungkol sa mga lugar na binisita mo.

Mga ad na maaari mong makita habang nasa mga platform na hindi Skyscanner

Maaari ka ring makakita ng mga ad para sa mga serbisyo namin kapag ikaw ay nakaalis na sa Skyscanner at gumagamit ng mga website na hindi Skyscanner. Halimbawa, maaari itong mangyari kapag ang isang Platform na hindi Skyscanner na ginagamit mo ay nagbenta ng espasyo para sa advertising at binili ng Skyscanner, o ng isang Third Party na Ad Solution na katrabaho namin, ang espasyong iyon. Katulad ng mga ad na nakikita mo habang ginagamit ang Skyscanner, ang mga ad na ito ay maaaring na-personalize at ibinibigay sa iyo dahil sa impormasyong nakolekta ng Mga Third Party na Ad Solution tungkol sa iyo, kapag ginagamit mo ang mga serbisyo namin o kapag gumagamit ka ng iba pang Platform na hindi Skyscanner. Halimbawa, kung naghanap ka ng flight mula Edinburgh papunta sa London sa Skyscanner o sa ibang Platform na hindi Skyscanner, at hiniling namin sa Third Party na Ad Solution na ipakita ang aming ad sa mga indibidwal na naghayag ng interes na magbiyahe papunta sa London, maaaring isama ka ng Third Party na Ad Solution sa grupong iyon at ipakita nito sa iyo ang aming ad.

Paano ko makokontrol ang mga ad na nakikita ko?

Maaari kang makakita ng impormasyon tungkol sa kung paano iakma ang iyong mga kagustuhan sa advertising sa aming Patakaran sa Cookie.

Gumagamit kami ng cookies at mga katulad na teknolohiya para tumulong na maghatid, mag-optimize, mag-personalize at suriin ang aming mga serbisyo at para sa mga layunin sa advertising.

Matuto pa tungkol sa cookies at mga katulad na teknolohiya

Gumagamit kami ng kumbinasyon ng cookies at iba pang teknolohiya gaya ng mga pixel/web beacon at tracking code (ipinapaliwanag sa ibaba) upang mangolekta ng impormasyong gagamitin alinsunod sa mga layuning itinakda sa patakarang ito.

Ano ang cookie?

Ang cookie ay isang maliit na data file na iniimbak sa iyong computer o device. Itinatala ng cookies ang mga bagay gaya ng iyong mga kagustuhan at setting, at nakakatulong ang mga ito na maibigay sa amin ang impormasyong kailangan namin upang maibigay sa iyo ang walang palya at nauugnay na karanasan. Gumagamit din kami ng cookies upang magtala ng impormasyon tungkol sa mga eksperimento o bagong pagpapahusay na maaari naming subukan upang subaybayan kung paano mo ginagamit ang mga serbisyo namin at matuklasan kung naging mabisa ba ang mga iyon.

Ang cookies sa aming website ay maaaring itinakda namin, ng mga third party kung saan kami nakikipagtulungan, o ng mga independent na third party (gaya ng mga advertiser).

Ano ang mga web beacon at pixel?

Ang mga web beacon o pixel ay maliliit at transparent na image file sa isang web page o email. Ginagamit namin ang mga ito upang maunawaan kung paano ka nakikipag-ugnayan sa mga serbisyo namin, o kung na-redirect ka sa website o app ng isang Travel Supplier. Maaari naming gamitin ang pixel upang kumpirmahin kung nagpatuloy kang mag-book sa kanila, at kung ano ang iyong na-book. Gumagamit din kami ng mga pixel upang mangalap ng impormasyon gaya kung nagbukas ka ng email, upang mapahusay namin ang aming mga komunikasyon sa iyo.

Ano ang mga tracking code?

Ang mga tracking code ay mga snippet ng code na nakalagay sa page upang sukatin ang mga bagay gaya ng mga pagbisita at pakikipag-ugnayan. Gumagamit kami ng mga tracking code upang matuto pa tungkol sa kung paano ka nakikipag-ugnayan sa mga serbisyo, sa mga ad na nakikita mo, at mas madalas, kung paano mo kami ginagamit.

Pakitingnan ang aming Patakaran sa Cookie para sa higit pang impormasyon at detalye ng mga uri ng cookies at katulad na teknolohiya na ginagamit namin.

Kung mayroon kang account sa Skyscanner, maaari mong i-access, i-edit, i-download, o i-delete ang mahalagang personal na data na nauugnay sa profile mo anumang oras sa pamamagitan ng pagpunta sa iyong Profile. Mula rito, maaari mo ring pamahalaan ang iyong mga kagustuhan sa subscription at marketing.

Mayroon ka ring mga karapatan kaugnay ng personal na data na mayroon kami tungkol sa iyo, na ipapaliwanag namin nang mas detalyado sa ibaba. Maaari mong isagawa ang mga karapatang ito sa pamamagitan ng pakikipag-ugnayan sa amin sa pamamagitan ng aming Help Center.

Kung residente ka ng California, matuto pa tungkol sa mga karapatan mo sa ilalim ng California Consumer Privacy Act.

Matuto pa tungkol sa iyong mga opsyon at karapatan

Mayroon kang karapatang humingi sa amin ng kopya ng iyong personal na data; iwasto o i-delete ang, o paghigpitan ang pagpoproseso sa, personal na data mo; at kunin ang personal na data na ibinigay mo sa amin sa isang format na nakaayos at nababasa ng machine. Bukod pa rito, maaari kang tumutol sa pagpoproseso sa iyong personal na data sa ilang sitwasyon (partikular dito, kapag hindi namin kailangang iproseso ang data upang tumugon sa isang kinakailangan ayon sa kontrata o batas). Kapag hiningi namin ang iyong pahintulot, maaari mong bawiin ang pahintulot anumang oras. Kung hihilingin mong bawiin ang iyong pahintulot sa Skyscanner na iproseso ang iyong data, hindi ito makakaapekto sa anumang pagpoproseso na naisagawa na sa oras na iyon.

Ang mga karapatang ito ay maaaring limitado, halimbawa, kung sa pamamagitan ng pagtupad sa iyong kahilingan ay maihahayag ang personal na data tungkol sa ibang tao, o kung hihilingin mo sa aming mag-delete ng impormasyong iniaatas sa amin ng batas o mayroon kaming mabigat at lehitimong interes na itago. Kung mayroon kang mga hindi nalutas na alalahanin, mayroon kang karapatang magreklamo sa isang awtoridad sa proteksyon ng data.

Kung hindi mo maisasagawa nang nararapat ang anuman sa mga karapatang ito sa pamamagitan ng iyong Profile, maaari mo itong gawin sa pamamagitan ng pakikipag-ugnayan sa aming Data Protection Officer sa pamamagitan ng pagsulat sa Skyscanner, Quartermile One, 15 Lauriston Place, Edinburgh EH3 9EN, o sa electronic na paraan sa pamamagitan ng aming Help Center.

Kung mayroon kang mga hindi nalutas na alalahanin, mayroon kang karapatang magreklamo sa isang awtoridad sa proteksyon ng data.

Ang Skyscanner ay ibinibigay ng Skyscanner Limited, isang kompanyang nakarehistro sa UK.

Ang Skyscanner Limited ay ang Data Controller ng anumang impormasyong nakokolekta namin mula sa iyo.

Ang numero ng aming kompanya ay: 04217916 04217916

Ang aming nakarehistrong address ng opisina ay: Floor 6, The Avenue, 1 Bedford Avenue, London, United Kingdom, WC1B 3AU.