Ang bagong hitsura at mas matapang na pananaw
Pinangungunahan ang pandaigdigang pagbabago para sa moderno at sustainable na pagbiyahe
Baka napansin mong medyo naiba ang hitsura ng mga bagay dito. Bagong logo. Bagong typeface. Bagong disenyo ng kulay.
Subalit hindi kailanman magbabago ang pangako namin na unahin kayong mga manlalakbay namin at mananatili ito sa kaibuturan ng kung sino kami bilang isang kumpanya.
Kumakatawan ang bagong brand namin sa mga pangunahing paniniwalang ito at sinasaklaw nito ang misyon namin na pangunahan ang pandaigdig na pagbabago tungo sa moderno at sustainable na pagbiyahe.
Paano kami makakarating doon?
Sa pamamagitan ng paggawa nang tama. Pagpapasimple ng mga bagay. Paggawa nang higit sa mga inaasahan mo. Pagtulong sa iyo na gumawa ng pinakamagagandang pasya sa paglalakbay. Pagtingin nang higit pa sa kung paano kami nagpaplano, nagbo-book at nag-iisip tungkol sa pagbiyahe ngayon.
Ang paggawa ng angkop ay nangangahulugan din ng pangangalaga sa planeta, na tinitiyak nating lahat na mapananatiling makikinabang dito para sa mga henerasyong darating. (Nakapagsimula na tayong magbigay ng mga opsyon na makatutulong sa iyo na gumawa ng mas sustainable na pagpipilian sa pagbiyahe at simula pa lamang iyan!).
Dahil naniniwala kaming kaya tayong baguhin ng pagbiyahe. At may kapangyarihan tayong baguhin ang pagbiyahe.
Sumali sa amin sa susunod na yugto ng aming paglalakbay.
Tungkol sa amin
Lahat ng kailangan mong malaman tungkol sa Skyscanner.
Matapang. Nakakatuwa. Matulungin. Tapat.
Ang mga salitang ito ay mga pundasyon ng aming brand at mararamdaman mo ang mga iyon sa hitsura namin at sa lahat ng sinasabi at ginagawa namin mula ngayon.
Logo
Simulan natin sa bago naming logo. Isipin ito bilang visual na shorthand sa kung ano ang pinaniniwalaan namin. Una sa lahat, binubuo ito ng sikat ng araw at positibong epekto na nais naming makamit sa mundo ng pagbiyahe. Ngunit pinagsasama rin nito ang apat na elemento na naglalarawan sa misyon ng aming brand - pagiging positibo, sustainable, mga ideya, at mga lugar na tutuklasin - at kung paano namin ihahatid ang lahat ng ito sa iyo.
Simbolo
Pagiging Positibo
Pagiging Sustainable
Mga Ideya
Mga Destinasyon
Wordmarque
Kulay
Upang umangkop sa maliwanag at matingkad na pakiramdam na iyon, mayroon kaming nakakatuwang bagong disenyo ng kulay na hinango sa lahat ng bagay na maiaalok ng planeta. Ang palette namin ay binuong kaugnay ng matingkad na nangungunang kulay na Sky Blue, na kumakatawan sa pagiging malinaw at pagiging positibo.
Mayroon din kaming sumusuportang palette ng masisiglang kulay na kumakatawan sa maraming iba’t ibang kulay na makikita sa kahit saan mula sa mga abalang lungsod, hanggang sa likas na hindi pa nagagalaw na mga landscape. Kapag pinagsama, ipinagdiriwang nito ang kagandahan ng ating daigdig at permanente nitong ipinapaalala na kailangan natin itong protektahan upang maipagpatuloy nating lahat ang pagtuklas.
Sky Blue
Makikita ang matingkad at buhay na buhay na ulap sa buong mundo.
Monteverde
Ang Monteverde ay isang bayan sa bulubunduking Costa Rica na kilala dahil sa mayaman nitong kagubatan na napapaligiran ng mga ulap.
Glencoe
Ang Glencoe ay isang nayon sa Mataas na Kabundukan ng Scotland na kilala dahil sa mga luntiang tanawin at bundok nito.
Sagano
Ang Sagano Bamboo Forest ay isang napakalawak na hardin sa kanlurang labas na panig ng Kyoto, Japan.
Kolkata
Ang Kolkata ay kapitolyo ng India sa estado ng Kanlurang Bengal, na sikat dahil sa makulay nitong pamilihan ng mga bulaklak.
Erfoud
Ang Erfound ay isang oasis na bayan sa Disyerto ng Sahara, sa rehiyon ng Drâa-Tafilalet sa silangang Morocco.
Bagan
Ang Bagan ay ang sinaunang lungsod sa gitnang Myanmar, na kilala sa magarang templo at gintong sikat ng araw nito.
Buñol
Ang Buñol ay isang bayan sa Valencia, Spain na kilala dahil sa taunang piyesta ng pagbabatuhan ng kamatis, ang La Tomatina.
Petra
Ang Petra ay isang makasaysayang lungsod sa Timog Jordan, na kilala sa templo na inukit mula sa ibabaw ng sedimentaryong bato.
Nara
Ang Nara ay isang lugar sa timog-gitnang Honshu, Japan na kilala sa taunang cherry blossom nito.
Abisko
Ang Abisko ay maliit na nayon sa Sweden na sikat sa pagiging isa sa pinakamagandang lugar para makita ang Aurora Borealis.
Valensole
Ang Valensole ay isang komunidad sa Alpes-de-Haute-Provence ng France, na kilala dahil sa taniman ng lavender nito.
Tochigi
Ang Tochigi ay isang lugar sa Japan na kilala sa Ashikaga Flower Park nito na binubuo ng 350 puno ng wisteria.
Panjin
Ang Red Beach, sa Panjin Shi sa China ay kilala dahil sa malalim nitong pulang mga ilat ng Chenopodium.
Hillier
Ang Lake Hillier, ay isang maalat na lawa sa Kanlurang Australia, na kilala dahil sa matingkad na kulay rosas na tubig nito.
Harbour
Ang Pink Beach, sa Harbour Island ng Bahamas ay pinakakilala dahil sa malamlam na kulay rosas na buhangin.
Tipograpya
May bagong tipograpya din (tinatawag itong 'Relative', kung sakaling interesado ka). Malinaw at tapat, tulad ng paraan na kung paano namin ginagawa ang mga bagay na ginagawa namin.
Skyscanner Relative
Book
ABCDEFGHIJKLMNOPQRSTUVWXYZ
Medium
ABCDEFGHIJKLMNOPQRSTUVWXYZ
Bold
ABCDEFGHIJKLMNOPQRSTUVWXYZ
Black
ABCDEFGHIJKLMNOPQRSTUVWXYZ
Potograpya
Ang Potograpya ay nakatutulong sa amin na abisuhan at bigyan ka ng inspirasyon - visual na naghahatid sa iyo sa malalayong lugar habang kinukuha ang makatotohanang mga representasyon ng mga tao at mga lugar. Sa paraang ito, maipakikita namin ang iba’t ibang mga mensahe sa isang makapangyarihang larawan.
Ilustrasyon
Lubha naming ipinagmamalaki ang bago naming estilo at ang aming kahanga-hangang team sa ilustrasyon! Lagi naming itinatampok ang mahaba at matingkad na mga anino para ipakita kung saan nagmumula ang liwanag - tinambalan ito ng bago naming logo na sumisimbolo sa araw.
Mga simulain namin
Ikonograpya
Mga icon na may mahalagang papel sa brand namin, na gumagabay sa mga tao sa iba’t ibang impormasyon na ipinakikita sa website at app namin upang madali kang makapunta sa bagay na gusto mong malaman.
